माओवादीको पदाधिकारी र स्थायी समिति बैठक स्थगित

काठमाडौं । नेकपा माओवादी केन्द्रको पदाधिकारी र स्थायी समिति बैठक स्थगित भएको छ । आजका लागि बोलाइएको बैठक भोलिसम्मका लागि स्थगित भएको हो ।

माओवादी केन्द्रले पार्टीका नेताको कार्यविभाजन, जिम्मेवारी हेरफेर, गृह मन्त्रालय, राष्ट्रपति निर्वाचन, सरकारमा पार्टीको भूमिका लगायतका विषयमा छलफल गर्न स्थायी कमिटी बैठक बोलाएको थियो ।

तर आवश्यक तयारी नपुगेको र पार्टी अध्यक्ष तथा प्रधानमन्त्री पुष्पकमल दाहाल प्रचण्डको कार्यव्यस्तताको कारण बैठक स्थगित गरिएको महासचिव देव गुरुङले जानकारी दिए ।