काठमाडौं, २९ पुस ।
विवेकशील साझा पार्टीबाट छुटेर विवेकशील नेपालीमा आबद्ध युवा नेतृ रञ्जु दर्शनाले आफू र विवेकशील साझाका संयोजक रवीन्द्र मिश्रलाई जोडेर आएका समाचारको खण्डन गर्दै ती अनलाइन मिडियाविरुद्ध उजुरी दिएकी छन्।
![](https://www.drishtinews.com/wp-content/uploads/2019/01/ranju-768x523.jpeg)
पार्टी फुटेपछि केही अनलाइनले ’मिश्रले रञ्जुलाई बलात्कार प्रयास गरेको’ आसयका समाचार प्रकाशन गरेका थिए। उनले ती समाचार प्रकाशन गर्ने ५ वटा अनलाइनविरुद्ध साइबर क्राइम अन्तर्गत महानगरीय प्रहरी परिसर काठमाडौंमा आज उजुरी दिएकी हुन्। समाचारले गम्भीर चरित्रहत्या गरेको भन्दै उनले प्रहरीमा उजुरी दिएकी हुन् ।
नेतृ दर्शना गत वर्ष स्थानीय निर्वाचनमा काठमाडौं महानगरपालिकाको मेयरमा उठेकी थिइन् ।
शुक्रबार विवेकशी साझाका संयोजक उज्जव थापासहित १६ जनाले छुट्टै पार्टी दर्ताका लागि निर्वाचन आयोगमा निवेदन दिएका थिए।