सिन्धुली, १७ कार्तिक । सिन्धुपाल्चोकको सुकुटे सडकखण्डमा आइतबार भएको बस दुर्घटनामा १० जनाको मृत्यु भएको छ । दोलखाबाट काठमाडौँका लागि छुटेको बा२ख ७२४५ नम्बरको यात्रुबाहक बस सुनकोशी नदीमा खसेको हो । १० जनाको घटनास्थलमै मृत्यु भएको सिन्धुली प्रहरीले जनाएको छ ।
अहिले नेपाल प्रहरी, सशस्त्र प्रहरी र स्थानीयवासी उद्धारमा जुटिरहेका छन् । बस सुनकोसी नदीमा डुबेको छ । स्थानीयवासीका अनुसार केही शवहरु खोलाले बगाएको छ । दुर्घटनाग्रस्त बसमा ४० भन्दा बढी यात्रु सवार रहेको अनुमान गरिएको छ ।
जिल्ला प्रहरी कार्यालय सिन्धुपाल्चोकका अनुसार दुर्घटना ठूलो भएकाले क्षति बढ्न सक्ने अनुमान गरिएको छ । घाइतेहरुलाई सिन्धु सहावहार अस्पताल र गम्भीर घाइतेलाई काठमाडौँ लगिएको प्रहरीले जनाएको छ । घटनाको थप विवरण आउन बाँकी छ ।
