काठमाडौं । नेकपा एमालेका सांसदहरुले एमालेले अवरोध गरेपछि प्रतिनिधि सभा बैठक २० मिनेटका लागि स्थगित भएको छ ।
एमालेका सांसदहरुले अध्यक्ष केपी शर्मा ओलीको नाम भ्रष्टाचारमा जेडिएको भन्दै प्रमाणित गर्न माग गर्दै राेष्टम घेराउ गरेपछि सभामुख देवराज घिमिरेले २० मिनेटका लागि प्रतिनिधि सभा बैठक स्थिगित गरेका हुन् ।
आज (शुक्रबार) बसेको प्रतिनिधिसभा बैठक सुरु भएलगत्तै एमाले सांसदहरु उठेर विरोध जनाएपछि सभामुख देवराज घिमिरेले एमाले प्रमुख सचेतक पदम गिरीलाई बोल्न समय दिए । त्यसपछि गिरीले सत्तारुढ दलकै सांसदबाट पशुपतिनाम मन्दिरमा राखेको सुनको जलहरीमा भएको अनियमिततामा तत्कालीन प्रधानमन्त्री केपी शर्मा ओलीको संलग्नता रहेको आरोप लगाएको भन्दै सरकारको जवाफ नआएसम्म सदन चल्न नसक्ने चेतावनी दिए ।
उनले सुनको जलहरीमा पित्तल राखेको भनेर सत्तारुढ दलकै सांसदबाट अभिव्यक्तिप्रति सरकारको जवाफ र उक्त सांसदले माफी माग्नुपर्ने बताए ।
नेकपा माओवादीका सांसद राजन दाहालले पशुपतिनाथ मन्दिरमा सुन भनेर ओलीले पित्तलको जलरी हालेको आरोप लागाएको थियो ।
