काठमाडौं । रातो प्लेटले यात्रु बोकेको विरोधमा ट्याक्सी व्यवसायीले प्रदर्शन गरेका छन् ।
बिहीबार नेपाल राष्ट्रिय मिटर व्यवसायी ट्याक्सी चालक संघको आयोजनामा बानेश्वरस्थित यातायात विभाग अगाडि उनीहरू विरोध प्रदर्शनमा उत्रिएका हुन् । करिब तीन सय ट्याक्सी बाटोमा राखेर विभिन्न मागसहित ट्याक्सी व्यवसायीहरुले विरोध प्रदर्शन गरेका थिए ।
उनीहरुले रातो नम्बर प्लेटका निजी दुई तथा चार पाङ्ग्रेले गर्ने भाडाको काम तुरुन्त बन्द गर्नुपर्ने र ट्राफिक प्रहरीले ट्याक्सी व्यवसायीमाथि गर्ने ज्यादती तुरुन्त बन्द हुनुपर्ने लगायतका माग गरेका छन ।
