काठमाडौं । प्रतिनिधिसभाको बैठक भदौ २८ गते बिहीबार बस्ने भएको छ ।
संविधानसभा अध्यक्ष, पूर्वसभामुख सुवास नेम्वाङको निधनप्रति शोक प्रस्ताव पारितका लागि बैठक बोलाइएको संसद् सचिवालयका महासचिव भरतराज गौतमले जानकारी दिएका छन् ।
बैठक दिउँसो ३ बजे बस्नेछ । यसअघि प्रतिनिधिसभाको बैठक भदौ २७ गतेका लागि बोलाइएको थियो । बैठक एकदिनपछि सारिएको छ ।
एमाले उपाध्यक्षसमेत रहेका नेम्वाङको मंगलबार हृदयघातका कारण निधन भएको हो ।
