काठमाडौं । आइसीसी टी-२० विश्वकप छनोटका लागि नेपाली टोली घोषणा भएको छ । नेपाल क्रिकेट संघ(क्यानले रोहित पौडेलको कप्तानीमा १५ सदस्यीय टोली घोषणा गरिएको हो ।
आइसीसी टी-२० विश्वकप छनोटका लागि नेपाली टोलीमा पुर्व कप्तान सन्दिप लामिछाने पनि समेटिएका छन् । शुक्रबार सम्पन्न भएको टी-२० आई त्रिकोणात्मक शृङ्खला खेलेको टिममा रहेका लोकेश बम, सूर्य तामाङ, श्याम (मौसम) ढकाल र सागर ढकाल भने टिममा अटाएनन्।
एसिया क्षेत्रको छनोट यही १३ कात्तिकदेखि काठमाडौंको कीर्तिपुर र मुलपानीमा हुनेछ । ८ टिम सहभागी हुने छनोटबाट शीर्ष दुई टिम अर्को वर्ष हुने टी-२० विश्वकपमा छनोट हुनेछ ।
नेपाल रहेको समूहमा सिंगापुर, मलेसिया र ओमान छन् । नेपालले पहिलो खेल सिंगापुरसँग सोमबार खेल्नेछ ।
को-को छन् टिममा ?
रोहीत पौडेल
कुशल भुर्तेल
आशिफ शेख
कुशल मल्ल
दिपेन्द्र एरी
सुन्दीप जोरा
गुल्सन झा
सोमपाल कामी
करण केसी
अविनाश बोहोरा
प्रतिस जिसी
विवेक यादव
सन्दिप लामिछाने
ललित राजवंशी
बिनोद भण्डारी
