काठमाडौं । नेकपा एमालेको मध्यपहाडी संकल्प यात्राको १४औँ दिन आज (बुधबार) टोली कोशी प्रदेशको भोजपुर पुग्दैछ। अध्यक्ष केपी शर्मा ओलीसहितको टोली आज खोटाङको दिक्तेलबाट भोजपुरतर्फ प्रस्थान गर्ने भएको हो।
टोलीले भोजपुरका स्थानीय नेता–कार्यकर्तासँग अन्तरक्रिया र छलफल गर्ने कार्यक्रम छ। पार्टीको केन्द्रीय प्रचार तथा प्रकाशन विभागका प्रमुख राजेन्द्र गौतमका अनुसार बुधबार टोलीले ८४ किलोमिटरको दुरी पार गर्नेछ।
भोजपुरमै बास बसेर बिहीबार बिहान भोजपुरबाट धनकुटा प्रस्थान गर्ने टोली तेह्रथुम हुँदै पाँचथर पुग्ने कार्यक्रम छ। गत १४ मंसिरमा बैतडीको झुलाघाटबाट सुरु भएको एमालेको संकल्प यात्रा पुस १ गते पाँचथरमा समापन हुनेछ।
