काठमाडौं, २३ फागुन ।
बालुवाटार जग्गा हिनामिनामा शंकास्पद भूमिका खेल्ने अधिवक्ता युवराज कोइरालामाथि सरकारले छानबिन थालेको छ । उनलाई सरकारले सरकारी, सार्वजनिक र गुठी जग्गा संरक्षण सम्बन्धी जाँचवुझ आयोगबाट हटाएको छ । उनी आयोगमा कानूनी सल्लाहकार थिए ।

सार्वजनिक जग्गा जोगाउने नाममा उनले भूमाफिया गिरोससँग बार्गेनिङ गर्दै आएका थिए । बालुवाटारको जग्गामा पनि उनको दोहोरो भूमिका थियो । एकातर्फ राणा परिवारसँग चार रोपनी जग्गा लिएका थिए । पछि अरु वकिलहरु त्यो प्रकरणमा लागेपछि उनले विभिन्न निकायमा उजुरी गरेका थिए । उनलाई कीर्ते मुद्दामा भक्तपुर जिल्ला अदालतले समेत दोषी ठहर गरेको छ ।