काठमाडौं । आगामी वर्ष २०८२ मा बैंक तथा वित्तिय क्षेत्रमा ३८ दिन बिदा हुने भएको छ । नेपाल राष्ट्र बैंकले सार्वजनिक गरेको सूचीअनुसार शनिबारबाहेक ३८ दिन सार्वजनिक बिदा हुने भएको हो । जसमा ३२ दिनबाहेक अन्य ६ दिन सरकारले बिदा दिने निर्णय गरेको हकमा मात्रै लागू हुनेछ ।

राष्ट्र बैंकले कार्यालय समय र बैंकिङ कारोबार समय पनि तोकेको छ । आगामी वर्ष वैशाख १ गतेदेखि कात्तिक १५ गतेसम्म र माघ १६ गतेदेखि चैत मसान्तसम्मका लागि बिहान १० बजेदेखि साँझ ५ बजेसम्म कार्यालय समय तोकेको छ ।
कात्तिक १६ गतेदेखि १५ गतेसम्म बिहान १० बजेदेखि अपराह्न ४ बजेसम्म कार्यालय समय तोकिएको छ । यस वर्षभर प्रत्येक शुक्रबारका लागि कार्यालय समय बिहान १० बजेदेखि १ः३० बजेसम्म तोकिएको छ ।
बैंकिङ कारोबार समय पनि तोकिएको छ । आउँदो वैशाख १ गतेदेखि कात्तिक १५ गतेसम्म तथा माघ १६ गतेदेखि चैत्र मसान्तसम्म बिहान १० बजेदेखि अपराह्न ४ बजेसम्म बैंकिङ कारोबारको समय तोकिएको राष्ट्र बैंकले जनाएको छ । कात्तिक १६ गतेदेखि माघ १५ गतेसम्म बिहान १० बजेदेखि अपराह्न ३ बजेसम्म र प्रत्येक शुक्रवार बिहान १० बजेदेखि अपराह्न १२ः३० बजेसम्म बैंकिङ कारोबार समय तोकिएको छ ।

