काठमाडौं । GM डाइट एक ७-दिने विशेष आहार योजना हो, जुन १९८५ मा जनरल मोटर्स (GM) कम्पनीले आफ्ना कर्मचारीहरूलाई फिट र स्वस्थ राख्न डिजाइन गरेको थियो। यो डाइट योजना Hopkins Research Center, अमेरिकी कृषि विभाग (USDA), र FDA को सहकार्यमा तयार गरिएको भनिन्छ।
यो डाइटले शरीरलाई डिटोक्सिफाइ गर्नुका साथै छिटो तौल घटाउन सहयोग गर्छ। हरेक दिन फरक प्रकारका खाद्यपदार्थहरू सेवन गरिन्छ ।
GM डाइटको ७ दिने योजना
पहिलो दिन: केवल फलफूल
- केवल फलफूल खानुपर्छ – जस्तै: तरबुजा, स्याउ, मेवा, सुन्तला आदि ।
- केरा भने निषेध गरिएको छ ।
- दिनभरि ८–१२ गिलास पानी पिउनुहोस् ।
- यो दिन शरीरलाई डिटोक्स गर्न सहयोग पुर्याउँछ ।
दोस्रो दिन: केवल तरकारी
- उमालेको वा काँचो तरकारी मात्र खानुहोस् ।
- बिहानको खाजामा उमालेको आलु खन सकिन्छ ।
- तेल र मसला प्रयोग नगर्नुहोस् ।
तेस्रो दिन: फलफूल , तरकारी
- फलफूल र तरकारी दुवै खान सकिन्छ ।
- केरा र आलु निषेध ।
चौथो दिन: केरा र दूध
- ६–८ वटा केरा र ३–४ गिलास दूध सेवन गर्न सकिन्छ ।
- ऊर्जा र इलेक्ट्रोलाइट सन्तुलन कायम राख्न यो दिन उपयोगी हुन्छ ।
- हल्का तरकारी सुप पनि पिउन सकिन्छ ।
पाँचौँ दिन: खैरो चामल , प्रोटिन र गोलभेंडा
- १ कप खैरो चामल, ६–७ वटा गोलभेंडा, र प्रोटिनयुक्त स्रोत (जस्तै पनिर वा मुग दाल) खानुहोस् ।
- मांसाहारीहरूले सुकुटी, कुखुराको मासु वा माछा पनि प्रयोग गर्न सक्छन् ।
छैटौँ दिन: खैरो चामल र तरकारी
- खैरो चामल र विभिन्न तरकारीहरू सेवन गर्नुहोस् ।
- पर्याप्त मात्रामा पानी पिउनुहोस् ।
सातौँ दिन: फलफूल, खैरो चामल र जुस
- ताजा फलफूल, खैरो चामल र फलफूलको जुस खान सकिन्छ।
