काठमाडौं । गर्मीका महिनामा चिसो पानी पिउँदा हाम्रो शरीरमा कस्तो प्रभाव पर्न सक्ला ? चिसो पानी पिउनु सामान्य कुरा लाग्न सक्छ । तर यसको प्रभाव धेरै हुन्छ । जाडोको तुलनामा गर्मीमा हामीले आफ्नो शरीरको विशेष ध्यान राख्न जरुरी हुन्छ । गर्मीमा शरीरमा सही तापमान बनाएर राख्न जरुरी हुन्छ । यसमा हामी गर्मीमा चिसो पानी पिउँनाले शरीरमा हुन सक्ने सम्भावित प्रभावहरूबारे जानिराखौँ ।
गर्मी लाग्ने बित्तिकै मानिसहरू चिसो पानी वा सर्वत खान थाल्छन् । चिसो पानीले ताजगी दिन्छ । तर लामो समयसम्म यसको सेवनले स्वास्थ्यलाई उल्टै हानी पु¥याउँछ । मौसम परिवर्तन हुने समयमा यसको सेवन झन् हानिकारक हुन सक्छ ।
विभिन्न अनुसन्धानहरूले चिसो पानी पिउँनुका फाइदा र बेफाइदा दुवै औँल्याएका छन्, जसले स्वस्थ जीवनशैलीका लागि सन्तुलित दृष्टिकोण अपनाउन सुझाउँछ ।
फाइदा के छ ?
विभिन्न अनुसन्धानहरूले गर्मीमा चिसो पानी (१५–१६ डिग्री सेल्सियस)ले शरीरलाई तुरुन्त हाइड्रेट गर्छ, जसले डिहाइड्रेशन, थकान, र हीट स्ट्रोकको जोखिम कम गर्छ । अनुसन्धानहरूले चिसो पानीले शरीरको तापमान सन्तुलनमा राख्ने र मानसिक ताजगी बढाउने बताएको छ। विशेष गरी, व्यायामपछि वा तातो वातावरणमा काम गर्नेहरूका लागि यो उपयोगी मानिन्छ ।
बेफाइदा के छ ?
अत्यधिक चिसो पानी पिउँदा पाचन प्रणालीमा असर पर्न सक्छ । आयुर्वेद र केही आधुनिक अध्ययनहरूले चिसो पानीले पाचन एन्जाइमहरूलाई सुस्त बनाउने र अपच वा कब्जियत निम्त्याउने जोखिम औँल्याएका छन् । साथै, संवेदनशील दाँत भएकाहरूलाई सिरिङ्ग हुने वा गलामा खसखस हुने समस्या देखिन सक्छ । केही अनुसन्धानले चिसो पानीले मांसपेशीमा तनाव वा ऐंठनको सम्भावना पनि देखाएका छन् । चिसो पानीले भेगस नसालाई उत्तेजित पारेर मुटुको गति कम गराइदिन्छ । यो नसा शरीर र स्नायु प्रणालीको महत्त्वपूर्ण अङ्ग भएको अनुसन्धानले देखाएको छ । चिसो पानीले यो स्नायुलाई उत्तेजित गर्छ र मुटुको धड्कन कम गरिदिन्छ ।
गर्मीमा चिसो पानी पिउनु सामान्यतया राम्रो छ किनभने यसले तुरुन्त हाइड्रेशन र ताजगी दिन्छ । तर, अत्यधिक चिसो पानीले पाचन र दाँतमा असर गर्न सक्छ । अनुसन्धानहरूले चिसो पानी र गुनगुने पानी दुवैका फाइदा र बेफाइदा औँल्याएका छन्, त्यसैले मध्यम तापमानको पानी र इलेक्ट्रोलाइट्सयुक्त पेयलाई प्राथमिकता दिनु उत्तम हुन्छ । गर्मीमा पसिनाले निस्कने पानी र नुनको कमी पूर्ति गर्न पर्याप्त तरल पदार्थ पिउनु जरुरी छ ।
