आज सुनचाँदीकै मूल्य घट्यो, कतिमा हुँदैछ किनबेच ?

काठमाडौं । नेपाली बजारमा आज (बुधबार) सुनचाँदीको मूल्य सामान्य घटेको छ । नेपाल सुनचाँदी व्यवसायी महासंघका अनुसार सुन तोलामा ७०० रुपैयाँले घटेको हो ।

अघिल्लो दिन एक लाख ८८ हजार ८ सय रुपैयाँमा कारोबार भएको सुन आज एक लाख ८८ हजार १ सय कायम भएको महासङ्घले जनाएको छ ।

त्यस्तै आज चाँदीको मूल्य प्रतितोला ५ रुपैयाँ घटेको छ । मङ्गलबार एक हजार ९७० मा कारोबार भएको चाँदी आज एक हजार ९६५ कायम भएको छ ।