काठमाडौं । गत वर्ष हमासले बन्धक बनाएको भनिएका नेपाली नागरिक विपिन जोशीको अवस्था अझै अज्ञात रहँदै आएको छ । इजरायलका एक वरिष्ठ अधिकारीले विपिन जोशीबारे जानकारी दिँदै भनेका छन्, ‘उहाँ जीवित हुनुका कुनै सङ्केत अहिलेसम्म फेला परेको छैन ।’अधिकारीका अनुसार जोशीबारे विस्तृत खोज तथा अनुसन्धान जारी छ, तर अहिलेसम्म कुनै जानकारी प्राप्त भएको छैन ।
गत अक्टोबरमा गाजामा रहेको इजरायली कृषि फार्ममा कार्यरत बेला हमासको हमलामा परेका जोशीसँगै अन्य आठ जना नेपाली विद्यार्थी पनि थिए । तीमध्ये केहीको ज्यान गएको पुष्टि भइसकेको छ भने केही जोगिन सफल भएका थिए। विपिन भने सो समयदेखि बेपत्ता छन् ।
उनको अवस्थाबारे यथार्थ जानकारी सार्वजनिक नहुँदासम्म जोशी परिवार र नेपाल सरकारको तर्फबाट आशा भने अझै मरेको छैन ।
