दैलेख । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले माओवादी बलियो हुँदा देश बलियो हुने बताएका छन् । मध्यपहाडी लोकमार्ग केन्द्रित अभियानअन्तर्गत आइतबार दैलेखमा आयोजित सभामा उनले माओवादी बलियो हुँदा दलित, मजदुर, महिला, किसानलगायत उत्पीडित वर्ग बलियो हुने उल्लेख गरे ।
“माओवादी बलियो हुँदा दलित, महिला, मजदुर र किसान बलियो हुन्छन्, अन्ततः नेपाल बलियो हुन्छ,” प्रचण्डले भने । उनले ७० वर्षको उमेरमा पनि ३० वर्षे युवाजस्तै देशभर दौडिरहेको बताउँदै बाँकी क्रान्ति पूरा गर्ने उद्देश्यले अभियानमा सक्रिय रहेको जनाए ।
प्रचण्डले मध्यपहाडी लोकमार्ग माओवादीको प्रस्तावमा बनेको दाबी गर्दै यसैका लागि पार्टीले अभियान चलाएको बताए । “यो लोकमार्गको प्रस्तावक माओवादी र प्रचण्ड हो,” उनले थपे ।
