काठमाडौं । जनता समाजवादी पार्टी (जसपा) नेपालका अध्यक्ष उपेन्द्र यादव मलेसिया जाने भएका छन् । पार्टीसम्बद्ध प्रवास सङ्गठन ‘नेपाली समाज मलेसिया’ को आमन्त्रणमा अध्यक्ष यादव मलेसियाको राजधानी क्वालालम्पुर जान लागेको पार्टीका प्रचार विभाग प्रमुख पूर्ण बस्नेतले जानकारी दिए ।
आगामी जुन १ तारिखका दिन क्वालालम्पुरस्थित होटल ग्रयान्ड कन्टिनेन्टलमा आयोजित कार्यक्रममा अध्यक्ष यादवले त्यहाँ रहेका नेपाली श्रमिकहरूसँग भेटघाट, छलफल तथा अन्तरक्रिया गर्ने कार्यक्रम रहेको छ । अध्यक्ष यादव उक्त कार्यक्रमको प्रमुख वक्ता रहने छन् । उक्त अवसरमा विविध सांस्कृतिक कार्यक्रमको समेत आयोजना गरिने बताइएको छ ।
