काठमाडौं । स्कटल्यान्डमा जारी त्रिदेशीय टी–२० खेलको दोस्रो खेलमा नेपालले स्कटल्यान्डविरुद्ध टस जितेर पहिला बलिङ गर्ने भएको छ । स्कटल्यान्डको ग्लासगोमा हुने खेलमा नेपालले टस जितेपछि स्कटल्यान्डलाई पहिले ब्याटिङको निम्तो दिएको हो ।
आजको खेलमा नेपालले अधिकांशनेरदरल्यान्डविरुद्ध खेलकै खेलाडीलाई उतारेको छ। चोटका कारण नन्दन यादवलाई भने आज आराम दिइएको छ। उनको ठाउँमा बसिर अहमदलाई स्थान दिइएको छ । आइतबार नेदरल्यान्डसँग भएको खेलमा भने नेपालले पराजय भोग्नु परेको थियो । नेपालले तेस्रो सुपरओभरमा नेदरल्यान्डसँग हारेको थियो।
नेपाली टोलीमा रोहित पौडेल (कप्तान), अनिल शाह (विकेट किपर), कुशल भुर्तेल, दिपेन्द्र सिंह ऐरी, सन्दीप लामिछाने, करण केसी, ललित नारायण राजवंशी, बसिर अहमद, किरण ठगुन्ना, लोकेश बम र रुपेश सिंह
