काठमाडौं । २० वर्ष मुनिको साफ महिला च्याम्पियनसिप फुटबलको अन्तिम खेलमा नेपाल बङ्गलादेशसँग ४–० ले पराजित भएको छ । बङ्गलादेशको राजधानी ढाकाको बसुन्धरा किङ्स एरिनामा भएको खेलको पहिलो हाफमा एक गोल गरेको बङ्गलादेशले दोस्रो हाफमा तीन गोल थपेको हो ।
योसँगै बंगलादेशले अपराजित रहँदै उपाधि जितेको हो,भने नेपाल उपविजेतामै सीमित रह्यो । बंगलादेशले ६ खेलबाट १८ अंक जोड्यो । समान खेल खेलेको नेपालको १२ अंक मात्रै रह्यो ।
प्रतियोगितामा बंगलादेशले नेपाललाई दोस्रोपल्ट हराएको हो । पहिलो खेलमा इन्जुरी समयको अन्तिम सेकेन्डमा गोल गर्दै बंगलादेशले ३–२ को नाटकीय जित निकालेको थियो । बंगलादेशले सन् २०२३ को संस्करणको पनि उपाधि जितेको थियो । उमेर समूहमा बंगलादेशको यो पाँचौं उपाधि हो ।
