नक्कली भुटानी शरणार्थी प्रकरण : बुधवारदेखि अन्तिम सुनुवाइ

काठमाडौं । नेपाली नागरिकलाई नक्कली भुटानी शरणार्थी बनाएर अमेरिका पठाउने योजनाको अभियोगमा दायर मुद्दाको अन्तिम सुनुवाइ बुधवारदेखि जिल्ला अदालत काठमाडौंमा सुरु हुँदै छ ।

The current image has no alternative text. The file name is: Top-Bahadur-Rayamajhi-ktm-court-1024x621-1.jpg

दुई वर्षदेखि विचाराधीन यो मुद्दामा साक्षी बुझ्ने र बकपत्रको काम सकिएपछि साप्ताहिक पेसी सूचीमा राखिएको छ । जिल्ला सरकारी वकिल कार्यालयले १० जेठ २०८० मा ठगी, किर्ते, सङ्गठित अपराध र राज्यविरुद्धको कसुरमा ३० जनाविरुद्ध मुद्दा दायर गरेको थियो ।

पछि ९ वैशाख र २९ साउन २०८१ मा पूरक मुद्दा दायर भए । पूर्वउपप्रधानमन्त्री टोपबहादुर रायमाझी, पूर्वगृहमन्त्री बालकृष्ण खाँण, पूर्वगृहसचिव टेकनारायण पाण्डेसहित ३१ जनाविरुद्ध अभियोग छ ।

प्रहरीले १२ चैत २०७९ मा केशव दुलालसहित केहीलाई पक्राउ गरी अनुसन्धान सुरु गरेको थियो । मुद्दा ३२ पटक पेसी चढिसकेको छ, जसमध्ये वैशाख २०८२ यता २२ पटक तोकिएको छ । केही अभियुक्त धरौटीमा छुटेका छन् भने केही थुनामा छन् ।

यी हुन् शरणार्थी प्रकरणका अभियुक्त

पूर्व उपप्रधानमन्त्री टोपबहादुर रायमाझी

तत्कालीन उपप्रधानमन्त्री रायमाझीका छोरा सन्दीप रायमाझी

पूर्व गृहमन्त्री बालकृष्ण खाँण

हज कमिटीका तत्कालीन अध्यक्ष शमशेर मियाँ

तत्कालीन गृहमन्त्री खाँणका स्वकीय सचिव नरेन्द्र केसी

तत्कालीन गृहसचिव टेकनारायण पाण्डे

तत्कालीन संविधानसभा सदस्य आङटावा शेर्पा

तत्कालीन गृहमन्त्री रामबहादुर थापाका छोरा प्रतीक थापा

तत्कालीन गृहमन्त्री थापाका सुरक्षा सल्लाहकार इन्द्रजित राई

तत्कालीन गृहमन्त्रीका थापाका सुरक्षा सल्लाहकार राईका छोरा निरज राई

शरणार्थी प्रकरणका बिचौलिया केशव दुलाल