काठमाडौं । त्रिभुवन विश्वविद्यालयले ठूलो संख्यामा उपप्राध्यापक पदको लागि दरखास्त आह्वान गरेको छ । त्रिवि सेवा आयोगको कार्यालयले आज सूचना जारी गर्दै विभिन्न ४७ विषयका लागि तीन सय ५२ जना उपप्रध्यापक माग गरेको हो ।
सबैभन्दा धेरै व्यवस्थापन विषयमा ९१ जना माग गरिएको छ । कानुन विषयमा ३३, अर्थशास्त्रमा १८, अंग्रेजीमा १४, नेपालीमा १३, कम्प्युटर एप्लिकेसनमा १२ र नेपाली शिक्षामा १० जना उपप्राध्यापक मागिएको छ ।
खुला तथा समावेशी प्रणालीमार्फत् पदपूर्ति गर्न लागिएकाले योग्यता पुगेका नेपालीले यही भदौ २९ गतेदेखि आगामी कात्तिक १२ गतेसम्म अनलाइन माध्यमबाट दरखास्त दिन सक्ने सूचनामा उल्लेख छ । दोब्बर दस्तुर तिरेर भने कात्तिक १९ गतेसम्म दरखास्त दिन सकिने आयोगले जनाएको छ ।
