काठमाडौं । जेनजी पुस्ताको आन्दोलनका क्रममा ठूलो मानवीय क्षति भएपछि बालेनलाई सम्बोधन गर्दै सामाजिक सञ्जालमा नयाँ ‘ट्रेन्ड’ चलेको छ ।
बालेनलाई आन्दोलनको नेतृत्व लिन आग्रह गर्दै सामाजिक सञ्जालमा ‘ट्रेन्ड’ चलेको हो । ‘डियर बालेन, टेक लिड नाउ अर नेभर !'(प्रिय बालेन, अहिले नै नेतृत्व लग, नत्र कहिल्यै पर्दैन) भन्दै सामाजिक सञ्जालमा धमाधम पोस्ट भइरहेको छ ।
जेनजीको आन्दोलनलाई काठमाडौं महानगरका मेयर बालेन आइतबार सामाजिक सञ्जालमार्फत समर्थन जनाएका थिए । उमेर हदका कारण आफू सहभागी नहुने बताउँदै बालेनले युवालाई आफ्नो साथ रहेको बताएका थिए ।
