काठमाडौं । नेकपा माओवादी केन्द्रले जेनजी प्रर्दशनका क्रममा सार्वजनिक तथा निजी सम्पत्तिमा आगजनी,तोडफोड वा लुटपाटमा आफ्नो पार्टी सम्बन्धित कसैको संलग्नता देखिए कडा कारबाही गरिने जनाएको छ ।
उपाध्यक्ष तथा प्रवक्ता अग्नि सापकोटाले आइतबार प्रेस विज्ञप्ति जारी गर्दै त्यस्ता तथ्य प्रमाण फेला परे सरकारले सख्त कारबाही गरोस् भनी आग्रह गरेका छन् ।
सापकोटाले आफ्नै नेताहरूको घर र कार्यालय आगजनी भएको तथ्य हुँदा हुँदै केही व्यक्ति र समूहले ध्वंसात्मक क्रियालापमा माओवादी कार्यकर्ताको संलग्नता भनी गरेको प्रचारले ध्यानाकर्षण भएको बताएका छन् ।
