कञ्चनपुर । थारु समुदायमा प्रचलित वंशाणुगत रोग सिकलसेल एनिमिया र थालेसिमिया पहिचानका लागि कञ्चनपुरका विभिन्न पालिकामा रगत परीक्षण स्क्रिनिङ टेस्ट गरिएको छ।
स्वास्थ्य कार्यालयका अनुसार बेलडाँडी, पुनर्वास, भीमदत्त, र बेलौरी पालिकामा गरिएको परीक्षणमा सयौँ व्यक्तिमा सिकलसेल ट्रेट, सिकलसेल रोगी तथा थालेसिमिया पत्ता लागेको हो।
उदाहरणस्वरूप, बेलडाँडीमा २,४०२ जनामध्ये २२९ जना, पुनर्वासमा ९७६ जनामध्ये ९८ जना, भीमदत्तमा ८६६ जनामध्ये ९९ जना, र बेलौरीमा १,३०० जनामध्ये ११४ जना प्रारम्भिक परीक्षणमा पोजेटिभ देखिएका छन्।
ट्रेट भएका महिला–पुरुषबीच विवाह हुँदा सन्तानमा रोग देखिने सम्भावना अधिक हुने भएकाले विवाहअघि अनिवार्य रगत परीक्षण गर्न स्वास्थ्य अधिकारीहरूको सुझाव छ।
स्वास्थ्य कार्यालयका स्रोत व्यक्ति सिद्धराज भट्टका अनुसार, हरेक जनाको परीक्षणमा झण्डै जना सिकलसेलसम्बन्धी समस्या देखिएको छ।
सिकलसेल एनिमियाले थकान, श्वासप्रश्वासमा समस्या, ज्वरो, दुखाइ लगायतका लक्षण देखाउँछ। नेपालमा यो रोग विशेषगरी थारु चौधरी समुदायमा गम्भीर जनस्वास्थ्य समस्याका रूपमा देखा परेको छ।
