काठमाडौं । गृह मन्त्रालयले जिल्ला प्रहरी परिसर, काठमाडौका एसएसपीलाई जिम्मेवारीबाट हटाएको छ । काठमाडौंका एसएसपी विश्वराज अधिकारीलाई हटाएर उनको ठाउँमा एसएसपी रमेश थापालाई पठाइएको हो ।
थापा हाल प्रहरी प्रधान कार्यालय, नक्सालमा कार्यरत थिए । उनीले यसअघि जिल्ला प्रहरी कार्यालय, कास्कीको कमाण्ड समेत गरिसकेका छन् ।
भदौ २३ को घट्नापछि अधिकारीलाई हटाएर थापालाई पठाइएको हो । अधिकारी गत माघमा काठमाडौ परिसरमा आएका थिए । उनी आएपछि चैत १५ गते राजावादीहरुको आन्दोलन भएको थियो । उनको सुरक्षा व्यवस्थापन फितलो भएका कारण त्यो आन्दोलन हिंसात्मक भएको भन्दै आलोचना भएको थियो ।
भदौ २३ पनि उनी आफैँ फिल्डमा खटेर युवाहरुमाथि गोली प्रहार गर्ने आदेश दिएको भन्दै आलोचना भएको छ । नयाँ सरकार आउन वित्तिकै अधिकारीको स्थानमा थापालाई पठाइएको छ ।
