काठमाडौं । नक्कली भुटानी शरणार्थी प्रकरणका आरोपी टोपबहादुर रायमाझीलाई कारागार सरुवा गरिएको छ ।
भदौ २४ गते जेनजीको आन्दोलनका क्रममा भागेका रायमाझी आफैं सुनधारा कारागार फर्किएसँगै उनलाई डिल्लीबजार कारागार सारिएको हो ।
उनी पुर्पक्षका लागि थुनामा छन् । डिल्लीबजार कारागारका धेरै कैदीबन्दी सुन्धारा कारागार राखिएको छ । यसअघि भदौ २५ गते डिल्लीबजार कारागारमा आगो लगाएर कैदीबन्दी भाग्ने प्रयास गरेपछि जेलबाहिरबाट नेपाली सेनाले फर्काएको थियो ।
फर्काइएकाहरूलाई सुन्धारामा राखेपछि रायमाझीलाई भने डिल्लीबजार लगिएको जेलर कृष्णप्रसाद चापागाईँले जानकारी दिए ।
