काठमाडौं । विघटित प्रतिनिधिसभाका १६ जना पदाधिकारीले सुविधावापत्त लिएको गाडी फिर्ता गरेका छन् । संसद् सचिवालयका अनुसार १२ वटा विषयगत समितिका सभापति र चारजना प्रमुख सचेतक र सचेतकले गाडी फिर्ता गरेका हुन् ।
प्रतिनिधिसभाअन्तर्गत १० वटा विषगत समिति रहेका छन् । संयुक्त दुईवटा समितिको सभापतिमा समेत प्रतिनिधिसभा सदस्य थिए । उनीहरू सबैले सुविधा वापत्त लिएको गाडी फिर्ता गरेको सवारी संसद सचिवालय शाखा प्रमुख प्रदीप नेपालले बताए ।
नेकपा एमाले र नेकपा माओवादी केन्द्रका प्रमुख सचेतक र सचेतकले पनि गाडी फिर्ता गरेका छन् । कांग्रेसका प्रमुख सचेतक र सचेतकको गाडी भने जलेको छ । गत भदौ २४ गते सिंहदरवारमा आगलागी हुँदा कांग्रेस र एमालेको संसदीय दलको कार्यालय समेत जलेको थियो ।
सरकारले मितव्ययिता अपनाउने भनेर पूर्व राजनीतिक पदाधिकारीहरूको समेत गाडी फिर्ता गराउने भनेको छ ।
