काठमाडौं । मन्त्रीमा सिफारिस भएर शपथ खान नपाएका खगेन्द्र सुनार बयानका लागि अदालतमा उपस्थित भएका छन् ।
अधिवक्ता मनिषा गौतमको जाहेरीमा विद्युतीय कारोबार मुद्दाका फरार प्रतिवादी रहेका सुनार आज काभ्रे अदालतमा बयानका लागि हाजिर भएका हुन् ।
काभ्रे अदालतले गत साउन ५ गते नै खगेन्द्रलाई पक्राउ गरेर बुझाउन भन्दै दैलेख प्रहरीलाई पक्राउ पुर्जी काटेको थियो ।
अधिवक्ता गौतमले आफूलाई सुनारले सामाजिक सञ्जालमा गरेको गालीगलौजसहितको स्क्रिन सटको प्रमाण राखेर विद्युत अपराध कसुरमा काभ्रेमा मुद्दा दायर गरेकी थिइन् ।
कानुन व्यवस्थायीसहित उपस्थित भएका उनको अहिले बयान जारी छ । बयान सकिएपश्चात आजै थुनछेक बहस हुनसक्ने सम्भावना छ । सुनारमाथि सुर्खेतमा पनि स्वास्थ्य संस्था तोडफोड र स्वाथ्यकर्मीमाथि कुटपिटको आरोपमा पक्राउ पुर्जी जारी भएको छ ।
केही दिनअघि श्रममन्त्रीमा नियुक्तिको तयारी हुँदै गर्दा सामाजिक सञ्जालमा उनका विभिन्न मुद्दा बाहिरिएपछि प्रधानमन्त्री सुशीला कार्कीले शपथ रोकेकी थिइन् ।
