युएईविरुद्ध कप्तान रोहित पौडेलको सतक

काठमाडौं । नेपालका कप्तान रोहित पौडेलले आइसीसी विश्वकप लिग-२ को जारी शृंखलामा युएईविरुद्ध सतक प्रहार गरेका छन्। ७४औं एकदिवसीय खेलमा रोहितले एकदिवसीय अन्तर्राष्ट्रियमा दोस्रो सतक प्रहार गरेका हुन्।

उनले १२६ बलमा ५ चौका र १ छक्कासहित सतक पूरा गरे। उनले ४६.५ ओभरमा शतक पूरा गरेका हुन्। ४७ ओभर सकिँदा नेपालले ६ विकेट गुमाउँदै २०७ रन बनाएको छ। क्रिजमा हालः रोहित १०० र सोमपाल ६ रनमा खेलिरहेका छन्।

सन् २०१८ मा नेदरल्यान्ड्ससँग खेल्दै एकदिवसीय क्रिकेटमा डेब्यु गरेका रोहितले हालसम्म ७३ खेलमा ६९ इनिङ्स खेल्दै १ सतक र ११ अर्धसतक प्रहार गरिसकेका छन्।