काठमाण्डौ । एभरेस्ट महिला भलिबल लिगमा कर्णाली यश्विसले मधेश युनाइटेडलाई ३–० को सोझो सेटमा पराजित गर्दै उत्कृष्ट सुरुवात गरेको छ।
काठमाण्डौको त्रिपुरेश्वरस्थित राष्ट्रिय खेलकुद परिषद् राखेपको कभर्डहलमा आज भएको खेलमा कर्णालीले मधेशलाई २५–१५, २५–१२ र २५–१७ को फराकिलो अन्तरले हरायो।
यस्तै, अहिले लिगको अर्को खेलमा ललितपुर क्विन्स र पोखरा निन्जाज बीच प्रतिस्पर्धा जारी छ।
गएको भदौ २० गते पोखरामा सुरू भएको प्रतियोगिता जेनजी आन्दोलनका कारण २३ र २४ गते रोकिएको थियो। आजदेखि खेल फेरि सुरू भएको हो।
६ टोली सहभागी यस प्रतियोगिताबाट शीर्ष दुई टोलीले फाइनलमा स्थान पाउनेछन्। फाइनल खेल मंसिर २९ गते हुने तय भएको छ।
