चितवनविरुद्ध सुदूपश्चिमले पहिले ब्याटिङ गर्दै

काठमाडौं ।  सिद्धार्थ बैङ्क नेपाल प्रिमियर लिग (एनपीएल) मा चितवन राइनोजविरुद्ध सुदूरपश्चिम रोयल्सले पहिले ब्याटिङ गर्ने भएको छ। 

कीर्तिपुरस्थित त्रिवि क्रिकेट मैदानमा चितवन राइनोजका कप्तान कुशल मल्लले टस जितेर बलिङ रोजेका हुन् । प्लेअफ सम्भावना जीवितै राख्न चितवनलाई जित्नै पर्ने दबाब छ । 

यो खेल सुदूरपश्चिमले जितेमा भने विराटनगर किंग्सको प्लेअफ सुरक्षित हुनेछ । विराटनगरको अहिले आठ अङ्क छ । सुदूरपश्चिम १० अङ्कसहित शीर्षस्थानमा छ। त्यस्तै, चितवनको चार अङ्क मात्रै छ ।