एजेन्सी । थाइल्यान्ड र क्याम्बोडियाबीच वर्षौँदेखिको सीमा तनाव फेरि उग्र बनेपछि दुवै देशका सुरक्षा निकायबीच तीव्र गोलाबारी भएको छ ।
गएराति थाई सेनाले गरेको भनिएको आक्रमणमा क्याम्बोडियाका दुई नागरिकको मृत्यु भएको क्याम्बोडियन पक्षले दाबी गरेको छ। यससँगै पछिल्ला भिडन्तमा ज्यान गुमाउनेको संख्या सात पुगेको छ ।
युद्धको त्रास बढेसँगै सीमावर्ती बस्तीका हजारौँ स्थानीयवासी सुरक्षित स्थानतर्फ उच्छिन्न बाध्य भएका छन् भन्ने समाचार बीबीसीले उल्लेख गरेको छ। थाइल्यान्डले पनि कम्तीमा एक सैनिकको मृत्यु भएको पुष्टि गर्दै क्याम्बोडियालाई युद्ध सुरु गरेको आरोप लगाएको छ ।
दुवै पक्षबाट एकअर्कामाथि आरोपप्रत्यारोप भइरहेका छन् । यो तनावका कारण अमेरिकी राष्ट्रपति डोनाल्ड ट्रम्पको मध्यस्थतामा गत जुलाईमा गरिएको युद्धविराम प्रभावहीन बनेको छ । ट्रम्पले त्यतिबेला सीमा विवाद समाधान गराएको दाबी गरेका थिए र क्याम्बोडियाले उनको भूमिकाको प्रशंसा गर्दै नोबेल शान्ति पुरस्कारका लागि नामसमेत सिफारिस गरेको थियो ।
नवीन भिडन्तले क्षेत्र फेरि एकपटक सम्भावित क्षेत्रीय युद्धतर्फ धकेलिएको विश्लेषकहरूको चेतावनी छ ।
