काठमाडौं । नेकपा एमालेको केपी शर्मा ओली प्यानलले उपाध्यक्षमा रघुजीपन्थलाई साथ दिने भएको छ ।
प्रदीप ज्ञवालीले उपाध्यक्षमा उम्मेदवारी नदिएपछि ओली प्यालनमा एकजना उपाध्यक्षको कोटा खाली थियो ।
ज्ञवालीले सदस्यमा मात्रै उम्मेदवारी दिएका छन् । महासचिव पदमा प्रमुख दाबेदार गरिरहेका ज्ञवाली असन्तुष्ट बनेका छन् । अध्यक्ष केपी शर्मा ओलीले महासचिवमा शङ्कर पोखरेललाई नै निरन्तरता दिने निर्णय गरेपछि ज्ञवालीले उपाध्यक्ष पद अस्वीकार गर्दै केन्द्रीय सदस्यमा मात्र उम्मेदवारी दिएका छन् ।
ओली पक्षले मङ्गलवार सार्वजनिक गरेको आफ्नो पक्षका उम्मेदवारको नाममा पन्तलाई राखिएको छ । उनले यसअघि स्वतन्त्र उम्मेदवारी दिका थिए ।
तर, उपाध्यक्षमै उम्मेदवारी दिएका भीम आचार्यलाई भने ओली पक्षले समर्थन गरेको छैन । दुवै प्यानलमा नपरेपछि उनले पनि पनि स्वतन्त्र उम्मेदवारी दिएका थिए ।
