काठमाडौं । नेपाली बजारमा आज मंगलबार सुन एकैदिन तोलामा ५ हजार ५ सय रुपैयाँ बढेको छ ।
नेपाल सुनचाँदी व्यवसायी महासंघका अनुसार आज सुनको मूल्य बढेर प्रतितोला २ लाख ६७ हजार २ सय रुपैयाँ पुगेको हो । यो मूल्य हालसम्मकै उच्च हो । अघिल्लो दिन २ लाख ६१ हजार ७ सय रुपैयाँमा कारोबार भएको थियो ।
त्यस्तै आज चाँदी प्रतितोला २० रुपैयाँ मूल्य बढेको छ । प्रतितोला ४ हजार २३५ रुपैयाँमा अघिल्लो दिन कारोबार भएको चाँदी आज ४ हजार २५५ रुपैयाँ पुगेको महासंघले जनाएको छ ।
