काठमाडौं । नेप्से आज सामान्य करेक्सन आएको छ । साताको अन्तिम कारोबार दिन बिहीबार नेप्से ४.५९ अङ्कले बढेर २६४०.५४ विन्दुमा पुगेर रोकिएको छ ।
आज ३२८ कम्पनिका एक करोड ४ लाख ३१ हजार ७६० कित्ता सेयर ४ अर्ब ९० करोड ८० लाख ९४ हजार ९२ मा कारोबार भएको थियो । आज फाइनान्स, लगानी, माइक्रो फाइनान्स, म्युचुअल फन्ड, अन्य र ट्रेडिङ बाहेक सबै क्षेत्रको सेयर मूल्य बढेको छ ।
आज सान्भी इनर्जीको सेयर मूल्य सबैभन्दा बढी ८.१६ प्रतिशतले बढेको छ भने एसवाई प्यानलको सेयर ५.७१ प्रतिशतले बढेको छ । त्यस्तै आज सुपर मादी हाइड्रोको सेयर सबैभन्दा बढी ३.९० प्रतिशतले घटेको छ ।
त्यस्तै आज सबै भन्दा बढी एसवाई प्यानलको २० करोड ६ लाख बराबरको कारोबार भएको छ भने बन्दीपुर केवलको १७ करोड ६० लाख बराबरको कारोबार भएको छ ।
