काठमाडौं । रास्वपाका सभापति रवि लामिछानेले आफूमाथि प्रतिशोध साध्नेलाई नछाड्ने बताएका छन् । चितवनमा आयोजित पार्टीको कार्यक्रमलाई सम्बोधन गर्दै प्रतिशोधको राजनीति अन्त्य गर्ने बताएका हुन् ।
उनले देशको भविष्य लेख्ने जिम्मा नेपाली जनताको हातमा रहेको बताउँदै भने, ‘आफ्नो भविष्य आफैँले लेख्ने हो। यिनलाई प्रतिपक्ष पनि नराख्ने हो। किन राख्ने प्रतिपक्षमा रु के का लागि राख्ने रु कलिला बालबालिकाहरूको टाउको र छातीमा ताकीताकी गोली हान्नका लागि राख्ने यिनीहरूलाई रु नराख्ने । मलाई कटाक्ष गर्नु छैन। पिर त छ मलाई, चित्त त दुखेको छ ।’
उनले आफूमाथि राज्यले पनि दमन गरेको बताउँदै चित्त दुखेको बताए । उनले भने, ‘यो कुरा मेरो निजी रहेन, मेरो व्यक्तिगत रहेन । यो त सिङ्गो देशको कुरा हो । मैले कारागारबाट भनेको थिएँ यिनले मलाई जेल हाले भनेर किन चिन्ता गर्नु, जबकि सिङ्गो देशलाई यिनीहरूले जेल बनाएका छन् । अब सिङ्गो देशलाई जेलबाट मुक्त गर्ने हो । यो लडाइँ बाँकी छ भने पनि मलाई लड्न कुनै आपत्ति छैन ।’
उनले आफूमाथि अझै पाँच ठाउँमा तरबार झुन्डाइएको भन्दै जुनसुकै बेला खस्नसक्ने बताए । ‘त्यो तरबार खसोस् मलाई प्रवाह छैन। तर यो देशलाई यिनीहरूको जालबाट मुक्त गराएरै छोड्ने हो। उपस्थित आमाबुवा, दाजुभाइ, दिदीबहिनीहरू, तपाईँले निर्वाचित गर्नुभएको सांसदको रूपमा मैले धित मर्ने गरी काम गर्नै पाइनँ । म तपाईँको घर आँगनमा आउनै पाइनँ’,उनले भने ।
उनले आफ्नो कार्यकालमा तीनवटा सार्वजनिक सुनुवाइ गर्न भ्याएको सुनाए । ‘पटक पटकको मुद्दा मामिला र झमेलाले मैले गरेका कयौँ बाचाहरू पुरा गर्न नै पाइनँ, त्यो अवसर नै पाइनँ । तर पनि तपाईँहरूले मेरा लागि बगाउनुभएको आँसु मलाई याद छ। त्यो आँसुको एउटा एउटा थोपा खेर फाल्न दिने छैन’ उनले भने ।
