काठमाडौं । नेपाल राष्ट्र बैंकले चेकमार्फत झिक्न पाइने नगदको सीमा ५ लाख रुपैयाँमा सीमित गरेको छ ।
अब ५ लाखभन्दा बढीको चेक साटेर नगद झिक्न पाइने छैन ।
५ लाखभन्दा माथिको चेक अनिवार्य रूपमा एकाउन्ट पेयी हुनुपर्नेछ । बैंक तथा वित्तीय संस्थाले पनि ५ लाख रुपैयाँ वा सोभन्दा बढी रकम नगद नदिई सम्बन्धित व्यक्तिको खातामै जम्मा गर्नुपर्ने व्यवस्था गरिएको छ ।
यो व्यवस्था सम्पत्ति शुद्धीकरण न्यूनीकरण गर्ने उद्देश्यले लागू गरिएको राष्ट्र बैंकले जनाएको छ ।
