एम्बाप्पेको गोलमा रियल म्याड्रिड विजयी

काठमाडौं । स्पेनिस ला लिगा अन्तर्गत रियल म्याड्रिडले भिल्ला रियलमाथि सहज जित हासिल गरेको छ ।

गएराती सम्पन्न खेलमा रियल म्याड्रिडले भिल्ला रियललाई २-० गोल अन्तरले पराजित गरेको हो ।  रियल म्याड्रिडको जितमा दुवै गोल किलियन एम्बाप्पेले गरेका थिए । 

यो जितपछि रियल म्याड्रिडको २१ खेलमा ५१ अङ्क भएको छ र लिगको शीर्ष स्थानमा उक्लिएको छ । त्यस्तै एक खेल कम खेलेको बार्सिलोनाको २० खेलमा ४९ अङ्क रहेको छ र दोस्रो स्थानमा छ । 

त्यसैगरी भिल्ला रियलको २० खेलमा ४१ अङ्क रहेको छ र लिगमा चौथो स्थानमा छ ।