काठमाडौं । जारी टी-२० विश्वकपको सुपर आठ अन्तर्गत आज दुई खेल हुँदै छन् । आज पहिलो खेल दक्षिण अफ्रिका र वेस्ट इन्डिजबीच हुँदै छ । भारतको अहमदावादमा हुने यो खेल नेपाली समय अनुसार दिउसो ३: १५ बजेदेखि हुँदै छ ।
सुपर आठको समुह १ अन्तर्गत यस खेलमा जित्ने देश सेमिफाइनलमा पुग्ने सम्भावना बलियो हुने छ । यस समूहमा दक्षिण अफ्रिका र वेस्ट इन्डिजले एक एक खेल जितेका छन् भने भारत र जिम्बाबेले एक एक खेल हारेका छन् ।
त्यस्तै आज अर्को खेल भर र जिम्बाबेबीच खेल हुँदै छ । भारतको चेन्नईमा हुने यो खेल साँझ ७ : १५ बजेदेखि सुरु हुँदै छ ।
भारत र जिम्बाबेले आफ्नो पहिलो खेल हारेका कारण सेमिफाइनलमा पुग्न जित्नै पर्ने दबाबमा रहेका छन् । यस खेलमा हार बेहोरेमा सेमिफाइनलको दौड समाप्त हुने छ । सुपर आठको पहिलो खेलमा भारत दक्षिण अफ्रिकासँग र जिम्बाबे वेस्ट इण्डिजसँग हार बेहोरेको थियो ।
