काठमाडौं । इन्डियन प्रिमियर लिग (आईपीएल) को १९औँ सिजन आज शनिबारबाट सुरु हुँदै छ । पहिलो खेल डिफेन्डिङ च्याम्पियन रोयल च्यालेन्जर्स बैंगलुरु र सनराइजर्स हैदराबादबीच हुँदै छ ।
खेल बैंगलुरुको एम चिन्नास्वामी स्टेडियममा साँझ ७: ४५ बजे सुरु हुनेछ । बैंगलुरुले गत सिजन पञ्जाब किंग्सलाई हराउँदै पहिलो पटक उपाधि जितेको टोली हो ।
बैंगलुरु र हैदराबादबीच हालसम्म २५ खेल भएका छन् । त्यसमध्ये १३ खेल हैदराबादले जितेको छ । ११ खेल बैंगलुरुले जितेको छ ।
एउटा खेल ‘टाई’ भएपछि सुपर ओभरमा हैदराबाद विजयी भएको थियो । एम चिन्नास्वामी स्टेडियममा दुवै टोलीबीच ८ खेल हुँदा ५ खेल बैंगलुरु र ३ खेल हैदराबादले जितेका छन् ।
