काठमाडौ । नेपाली क्रिकेट टोलीका अलराउन्डर दीपेन्द्र सिंह ऐरीले आज पाकिस्तान सुपर लिग २०२६ को आफ्नो पहिलो खेल खेल्ने सम्भावना छ ।
उनी इस्लामाबाद युनाइटेड टोलीबाट खेल्दै छन् । टोली खेलमा मुल्तान सुल्तान्स विरुद्ध मैदानमा उत्रिने छ । खेल आज साँझ ७:३० बजे हुने छ ।
अक्सनमा इस्लामाबाद युनाइटेडले ऐरीलाई बेस प्राइस ६० लाख पाकिस्तानी रुपैयाँमा अनुबन्ध गरेको थियो । ऐरी सन्दीप लामिछानेपछि पीएसएल खेल्ने दोस्रो नेपाली खेलाडी हुन् ।
ऐरी मिडल अर्डर ब्याट्सम्यानको रूपमा टोलीमा समावेश छन् । उनको बलिङ तथा फिल्डिङले टोलीलाई थप मजबुत बनाउने अपेक्षा गरिएको छ ।
