बनेपा । अवरुद्ध रहेको विपी राजमार्ग पुन: सुचारु भएको छ । रोशी नदीका विभिन्न स्थानमा बगाएको डाइभर्सन मर्मत गरी हाललाई बाटो सुचारु गरिएको जिल्ला प्रहरी कार्यालय काभ्रेले जानकारी दिएको छ ।
प्रहरीले लेन अनुशासन कायम गरी ट्राफिक नियम पालना गरी सावधानीपूर्वक यात्रा गर्न आग्रह गरेको छ ।
सुरक्षा सर्तकतालाई ध्यान दिदै विपी राजमार्ग रातिको समयमा भने बन्द नै रहने छ । जिल्ला प्रशासन कार्यालय सिन्धुलीले यसअघि सूचना जारी गर्दै अर्को सूचना नभएसम्मका लागि साँझ ५ बजेदेखि बिहान ५ बजेसम्म यो सडक बन्द हुने जानकारी गराएको छ ।
