जेठ महिनाका लागि यस्तो छ बैंकहरूको ब्याजदर

काठमाडौं । वाणिज्य बैकहरूले चालू आर्थिक वर्षको जेठ महिनाका लागि व्यक्तिगततर्फ निक्षेपको नयाँ ब्याजदर सार्वजनिक गरेका छन् ।  उनीहरुले जेठ महिनाको लागि औसत चार दशमलव ३४ प्रतिशत ब्याजदर कायम गरेका हुन् ।  

जेठ महिनाको लागि १२ बैङ्कले ब्याजदर स्थिर र बाँकीमध्येले केही तलमाथि गरेका छन् । यसअनुसार सिद्धार्थ र एभरेष्ट बैङ्कले जेठ महिनाको लागि पनि वैशाख महिनाकै ब्याजदरलाई निरन्तरता दिएका छन्। 

सोअनुसार यी दुवै बैङ्कले जेठ महिनाको लागि व्यक्तिगत मुद्दती निक्षेपको ब्याजदर चार दशमलव शून्य पाँच प्रतिशत तोकेका छन्। कुमारी, स्टान्डर्ड चार्टर्ड र सिटिजन्स बैङ्क इन्टरनेसनलले भने जेठ महिनाको लागि क्रमशः तीन दशमलव नौ, चार र चार दशमलव एक प्रतिशत ब्याजदर कायम गरेका छन् । अघिल्लो महिनाको यी बैङ्कको यस्तो ब्याजदर क्रमशः चार दशमलव शून्य पाँच, चार दशमलव एक र चार दशमलव १५ प्रतिशत थियो। 

त्यस्तै, प्राइम र कृषि विकास बैङ्कले भने जेठ महिनाको लागि वैशाख महिनाकै ब्याजदरलाई निरन्तरता दिँदै चार दशमलव १५ प्रतिशत ब्याजदर तोकेका छन् । यस अवधिमा नेपाल एसबिआई बैङ्कले पनि वैशाख महिनाकै ब्याजदरलाई निरन्तरता दिँदै जेठ महिनाको लागि चार दशमलव २५ प्रतिशत ब्याजदर तोकेको छ । 

जेठ महिनाको लागि हिमालयन बैङ्क र नेपाल बैङ्कले पनि चार दशमलव २५ प्रतिशत ब्याजदर तोकेका छन् । त्यसैगरी ग्लोबल आईएमई, माछापुच्छे«, लक्ष्मी सनराइज, सानिमा र नेपाल इन्भेष्टमेन्ट बैङ्कले भने जेठ महिनाको लागि वैशाख महिनाकै ब्याजदरलाई निरन्तरता दिँदै चार दशमलव पाँच प्रतिशत ब्याजदर कायम गरेका छन् । 

यस अवधिमा प्रभु बैङ्कले पनि वैशाख महिनाकै ब्याजदरलाई निरन्तरता दिँदै जेठ महिनाको लागि चार दशमलव ५५ प्रतिशत ब्याजदर कायम गरेको छ । नबिल र एनआईसी एसिया बैङ्कले पनि जेठ महिनाको लागि चार दशमलव पाँच प्रतिशत ब्याजदर तोकेका छन् । अघिल्लो महिनामा यी बैङ्कको व्यक्तिगत मुद्दती निक्षेपतर्फको ब्याजदर क्रमशः चार दशमलव ५५ र चार दशमलव ७५ प्रतिशत रहेको थियो । 

त्यसैगरी राष्ट्रिय वाणिज्य बैङ्क र एनएमबी बैङ्कले पनि जेठ महिनाको लागि क्रमशः चार दशमलव ७५ र चार दशमलव आठ प्रतिशत ब्याजदर कायम गरेका छन् । अघिल्लो महिनामा यी दुई बैङ्कको यस्तो ब्याजदर क्रमशः चार दशमलव ७५ र चार दशमलव नौ प्रतिशत रहेको थियो ।

कुनको कति?