काठमाडौं । जारी विश्वकपको समूह एफ बाट तीन देश नकआउट चरणमा प्रवेश गरेका छन् । नेदरल्याण्डसले अन्तिम खेलमा ट्युनिसियालाई ३-१ गोलले पराजित गर्दै समूह विजेताका रूपमा अन्तिम ३२ मा प्रवेश गरेको छ ।
त्यस्तै जापान र स्विडेन १-१ गोलको बराबरी खेलेपछि जापान ३ खेलमा ५ अङ्कसहित दोस्रो हुँदै नकआउट चरण प्रवेश गरेको छ भने स्विडेन ३ खेलमा ४ अङ्कसहित तेस्रो हुँदै नकआउटमा पुगेको हो । यस समूहमा ट्युनिशिया बाहिरिएको छ ।
अब नकआउट चरणमा नेदरल्याण्डसको मोरक्कोसँग प्रतिस्पर्धा हुने छ भने जापानले ब्राजिलको सामना गर्ने छ । त्यस्तै स्विडेनले भने नकआउटमा स्वीजरल्याण्डको सामना गर्नसक्ने सम्भावना रहेको छ ।
