काठमाडौं । नेपाल काभा पुरुष भलिबल च्याम्पियनसिपमा जितविहीन बनेको छ । पाँचौँ तथा लिग चरणको आफ्नो अन्तिम खेलमा नेपाल सोमबार उज्वेकिस्तानसँग सोझो सेटमा पराजित भएसँगै नेपाल जितविहीन हुँदै समूहचरणबाटै बाहिरिएको हो ।
नेपाली टोली पाकिस्तानसँग सोझो सेटमा तथा बंगलादेश, श्रीलङ्का र काजकस्तानसँग प्रतिस्पर्धात्मक पाँचौँ सेटमा पराजित भएको थियो ।
पाकिस्तानको इस्लामावादमा भएको समूह चरणको आफ्नो अन्तिम खेलमा उज्वेकिस्तानविरुद्धको पहिलो सेट २४-२६ ले गुमाएको नेपालले दोस्रो २०-२५ र तेस्रो २२-२५ ले उज्वेकिस्तानलाई सुम्पिएको थियो ।
