काठमाडौं । नेपाली क्रिकेट टोलीका ब्याटर रोहित पौडेलले आईसीसी क्रिकेट विश्वकप लिग २ अन्तर्गत क्यानडा विरुद्धको खेलमा शतक बनाएका छन् ।
ओमान क्रिकेट एकेडेमी मिनिस्ट्री टर्फ १ मा भइरहेको खेलमा रोहितले १२६ बलमा शतक पूरा गरेका हुन् । उनले ८ चौका र १ छक्का प्रहार गरेका छन् ।
यो उनको ओडीआई करियरको तेस्रो शतक हो । उनले १२ अर्धशतक पनि बनाएका छन् । उनको उच्च स्कोर १२६ रहेको छ ।
टस हारेर पहिले ब्याटिङको निम्तो पाएको नेपालले यो समाचार तयार पार्दासम्म ४७औं ओभर चलिरहँदा ५ विकेट गुमाएर २०५ रन बनाएको छ ।
