काठमाडौं । सांसद दिल कुमारीले सहरी विकासमन्त्री प्रभु शाहलाई हत्याराको आरोप लगाएका छन् ।
बुधबार प्रतिनिधिसभाको शून्य समयमा बोल्दै उनले मन्त्री शाहलाई ‘भ्रष्टाचारी नम्बर वान, डन नम्बर वान र हत्यारा नम्बर वान’ भन्दै आरोप लगाएका हुन् ।
मन्त्री शाहकै संलग्नतामा काशी तिवारीकाे हत्यापछि उनका श्रीमतीलाई आठ लाख रुपैयाँ दिएर मुख बन्द गर्न खोजिएको आरोपसमेत उनले लगाएका छन् । तर, मन्त्री साहमाथि आफूले आरोप लगाएको नभई पत्रपत्रिकामा पढेको सांसद कुमारीको भनाइ रहेको छ ।
सांसद कुमारीले भने– ‘श्रीमतीलाई जतिसुकै दुःख होस् तर पैसामा बिक्दैनन् बरु डटेर सामाना गर्छन् । पत्रकार वीरेन्द्र शाहको हत्या होस् वा काशी तिवारीको हत्या वा शिक्षक सुनिल यादवको हत्या भएपछि परिवार न्यायको आशमा रहेका छन् । तर, पैसाको भरमा कारवाही हुन सकेको छैन ।’
सांसद कुमारीले लगाएको आरोप भिडियोमा हेरौं–
