थप पाँच सय १७ जनामा कोरोना पुष्टि « Drishti News – Nepalese News Portal
Logo

थप पाँच सय १७ जनामा कोरोना पुष्टि


दृष्टि संवाददाता


काठमाडौं । नेपालमा पछिल्लो २४ घण्टामा थप पाँच सय १७ जनामा कोरोना भाइरसको संक्रमण पुष्टि भएको छ।

मंगलबार स्वास्थ्य तथा जनसंख्या मन्त्रालयका अनुसार पछिल्लो २४ घन्टामा ४३८६ जनामा पिसिआर गर्दा ४६० र ८१७ मा एन्टिजेन परीक्षण गर्दा ५७ लाई कोरोना पुष्टि भएको हो ।

योसहित नेपालमा कोरोना संक्रमितको संख्या दुई लाख ८० हजार ९८४ पुगेको छ।

पछिल्लो २४ घन्टामा १५३ जना निको भएर फर्किएका छन्। योसहित कोरोनाबाट निको हुनेको संख्या दुई लाख ७४ हजार ३१८ पुगेको छ।

त्यस्तै, कोरोनाको संक्रमणबाट थप पाँच जनाले ज्यान समेत गुमाएका छन्। हालसम्म कोरोनाबाट मृत्यु हुनेको संख्या ३०५८ पुगेको छ।

प्रतिक्रिया दिनुहोस्