काठमाडौं । नेपालको राजनीतिमा भारतको चलखेल हुने गरेको घट्ना भने नौले होइन । पछिल्लो समय नेपालको राजीति अस्थिरता छाउनुमा भारतको हात रहेको भनाईहरु पनि सार्वजनिक भएको छ ।
यसबीच सत्ता साझेदारीका विषयमा दलहरुबीच संयुक्त रुपमा छलफलमा जुट्दै गर्दा काठमाडौंमा भारतीय जनता पार्टीका एकजना सांसद सुटुक्कै आएर उतै फर्किएका छन् ।
स्रोतका अनुसार घोडेजात्राको दिन काठमाडौंमा उत्रिएका भाजपाका एकजना सांसदले जनता समाजवादी पार्टी (जसपा)का महन्थ ठाकुरसँग गोप्य भेटवार्ता गरेर चैत मसान्तकै दिन नयाँ दिल्ली फर्किएका हुन् ।
भारतीय जनता पार्टी, उत्तर प्रदेश, कानपुरका सांसद देवेन्द्र सिंह भोले आइतबार दिउँसो एअर इण्डियाको उडानबाट नेपाल आएका हुन् । उनले ठाकुरलाई आफू बसेको होटल र्याडिसनमा भेटेको स्रोतको भनाई छ ।
पासपोर्ट नम्बर डी (कूटनीतिक) ११३६७५३ बोकेका सिंहले ठाकुरसँग मंगलबार बिहान सवा ११ बजेदेखि झण्डै १२ बजेसम्म भेटेर कुराकानी भएको बताइएको छ ।
ठाकुरसँगको भेटलगत्तै भोले बा. २० च २५२ नं को सेतो स्कोर्पियोमा सवा १ बजे होटलबाट निस्केर सोझै विमानस्थल गएको स्रोतको भनाई छ । स्रोतका अनुसार भोले र ठाकुरबीचको वार्तामा मुलुकको पछिल्लो राजनीतिक घटनाक्रमबारे छलफल भएको छ ।
