काठमाडौं । हाल देशको पूर्वी भू-भागमा न्यून चापीय रेखाको प्रभाव रहेको छ ।जल तथा मौसम पुर्वानुमान महाशाखाले जारी गरेको विवरण अनुसार प्रदेश नं १ तथा प्रदेश नं २ का केही भु-भाग लगायत देशको उच्च पहाडी तथा हिमाली भू-भागका केही स्थानहरुमा आंशिक बदली र बाँकी भू-भागहरुमा मौसम सामान्यतया सफा रहेको रहेको छ ।
यस्तै मंगलबार प्रदेश नं १, प्रदेश नं २ लगायत देशका अन्य पहाडी भू-भागमा आंशिक बदली रही बाँकी भू-भागमा मौसम सामान्यतया सफा रहनेछ। देशका पहाडी भूभागका एक दुई स्थानमा अपरान्हपछि मेघगर्जनरचट्याङरहावाहुरी सहित क्षणिक वर्षाको सम्भावना रहेको महाशाखाले उल्लेख गरेको छ । राती देशका पहाडी भू-भागमा आंशिक बदली रही बाँकी भूभागमा मौसम सामान्यतया सफा रहनेछ।
महाशाखाका अनुसार बुधबार प्रदेश नं १, प्रदेश नं २ लगायतका देशका पहाडी भू-भागमा आंशिक बदली रही बाँकी भू-भागमा मौसम सामान्यतया सफा रहनेछ। देशका पहाडी भूभागका थोरै स्थानमा अपरान्हपछि मेघगर्जनरचट्याङ/हावाहुरी सहित क्षणिक बर्षाको सम्भावना रहेको छ ।
बिहीबार देशका तराईका भु-भागमा आंशिक बदली र पहाडी भू-भागमा सामान्य बदली रहने महाशाखाले जनाएको छ । देशका पहाडी भूभागका थोरै स्थानमा र तराईका एक(दुई स्थानहरुमा अपरान्हपछि मेघगर्जनरचट्याङरहावाहुरी सहित क्षणिक बर्षाको सम्भावना रहेको महाशाखाले जनाएको छ ।
