सरकारले लापरवाही गर्‍यो नागरिक आफैं सचेत बनौँ : देउवा « Drishti News – Nepalese News Portal
Logo

सरकारले लापरवाही गर्‍यो नागरिक आफैं सचेत बनौँ : देउवा


दृष्टि संवाददाता


काठमाडौं । नेपाली कांग्रेसका सभापति शेरबहादुर देउवाले सरकारले कोरोना संक्रमणमा लापरवाही गरिरहेकोले नागरिक आफैं पनि सचेत हुन जरुरी रहेको बताएका छन् ।

देउवाले सरकारको लापरवाहीका कारण कोरोना संक्रमणबाट ज्याउन गुमाउनेहरुको संख्या बढिरहेको समेत बताएका छन् । इस्लाम धर्मावलम्वीहरुको पवित्र पर्व ‘ईद उल फित्र’ का अवसरमा एक शुभकामना व्यक्त गर्दै देउवाले सरकारको असंवेदनशीलता र अकर्मन्यताका कारण बढ्दो संक्रमणसँगै आइसियु बेड, भेन्टिलेटर र अक्सिजनको अभावमा मृत्यु हुनेको संख्या बढेको उल्लेख गरेका छन् ।

उनले भनेका छन्, ‘यस अवस्थामा कोरोनाको जोखिमलाई दृष्टिगत गर्दै नियमित रुपमा नमाज गरी राख्दा स्वास्थ्य सुरक्षाका मापदण्डलाई ख्याल गरी भौतिक दुरी कायम राख्दै पारस्परिक एकता, विश्वास र प्रेमका साथ ‘इद उल फित्र’ मनाउनु हुन म सबैलाई आग्रह गर्दछु ।’ इद उल फित्रको पवित्र पर्वले नेपाली समाजमा धार्मिक सहिष्णुता र सद्भावना बढाउँदै आएको देउवाले आफ्नो शुभकामनामा व्यक्त गरेका छन् ।

प्रतिक्रिया दिनुहोस्